Page:'E Lluce-luce.djvu/160

From Wikisource
Jump to navigation Jump to search
This page has been proofread.
158
Poesie


Quanta nocche aggiu sciugliute,
quanta spingole appuntate!
So’ pacasse pe’ ’stu core
centenare ’e ’nnammurate!

Ma ogne vota aggiu capito
ca nisciuna, ca nisciuna...
era chella c’aspettavo
sotto ’e stelle e sott’ ’a luna!

Vita mia! T’aggio aspettata
tutta ’a vita! E si’ venuta
quanno ’a vita se n’è gghiuta,
quanno nun te pozzo amà!...