Page:'E Lluce-luce.djvu/159

From Wikisource
Jump to navigation Jump to search
This page has been proofread.
157
Canzone


SCANUSCIUTA

Chi sapeva ’sti capille?
Chi sapeva ’st’uocchie belle?
Ma ogne notte i’ t’aspettavo
sott’ ’a luna e sotto ’e stelle!

E dicevo: « Scanusciuta,
ma pecché, pecchè nun viene?
Tu nun saie ca chi t’aspetta
nun te sape e te vo’ bene! »

Vita mia! T’aggio aspettata
tutta ’a vita! E si’ venuta
quanno ’a vita se n’è ’gghiuta,
quanno nun te pozzo amà!