Page:'E Lluce-luce.djvu/156

From Wikisource
Jump to navigation Jump to search
This page has been proofread.
154
Poesie


SORA MIA!

Sora mia, nzerra ’sta porta,
mena ’a chiave e ’o catenaccio.
E a chi spia: « « S’è retirato? »
Tu rispunne: « Nun ’o ssaccio! »

Ma si vene ’na figliola
pe’ sapè si songo asciuto,
’n’arapì, ma sottavoce,
dille: « Frateme è partuto...

S’è ’mbarcato cu nu legno
mercantile, bella Ne’...
Se n’è gghiuto fore regno
pe’ nun séntere cchiù a te! »