Page:'E Lluce-luce.djvu/154

From Wikisource
Jump to navigation Jump to search
This page has been proofread.
152
Poesie


Oje scarparo, c’ ’a lente ncopp’ ’o naso,
saccio ch’haje cunzignè p’ ’a fin’ ’o mese,
ciappe ’ndurate e nucchettelle ’e raso
nu scarpino c’ ’o tacco ’a tirulese.

Pecchè canosco ’a ggiovane ch’aspetta,
miettece ’e zeppe e fance ’a punta stretta...
E si essa spia: « Pecché songo accussì? »

Tu spiegancello ca t’ ’aggiu ditt’i’...