Page:'E Lluce-luce.djvu/132

From Wikisource
Jump to navigation Jump to search
This page has been proofread.
130
Poesie


CUNTRORA

A ’o ffrisco, sott’all’urme
c’ ’o punentino frisco,
i’ stiso ’nterra sisco
cu’ ’e mmane ’mmano a te.

E guardo ’o cielo e ’ncielo
nuvole e nuvoleile
che comme ’e pecurelle
passano ’ncapo a me...

Cuntrora benedetta!
A ’o ffrisco d’ ’o punente,
luntano ’a tanta gente...
nun pienze a niente cchiù!

Te vaso e cunte l’ore...
’E qquatto... ’E ccinche... ’E sseie...
I’ torno ’affare mieie...
E tuorne a’ casa tu!