Page:'E Lluce-luce.djvu/131

From Wikisource
Jump to navigation Jump to search
This page has been proofread.
129
L'urdemo ammore


QUANNO TU ARRIVE..

Quanno tu arrive, i’ te sento
’nu miglio distante.
E tu nun chiamme e nun cante;
e tutto faie
pe’ nun te fa sentì...
Che sarrà? Che sarrà? Quann’è ’o mumento
i’ sento ’o passo, l’addore,
’o sciato, ’a voce... e ’o sapore
de vase che mme darraie...

Sbagliasse na vota? Maie!

Po’... quanno, appena quanno,
te veco accumparì
’nnanz’ ’a porta, affannanno,
assaie cchiù bella ’a che t’aggio lassata,
i’ resto ’ncantato, accussì...
Comme si nun t’avesse aspettata
e nun t’avesse ’ntiso ’e venì!