Page:'E Lluce-luce.djvu/130

From Wikisource
Jump to navigation Jump to search
This page has been proofread.
128
Poesie


IV.

E senza te... ca voglio bene tanto
nisciuna cosa mme fa cchiù cuntento...
I’ stesso mo’ nun aggio a chi da’ cunto
ca nun me piglio ’nu divertimento.

Ma primma tu cantave?! E mo’ nu’ canto!
E si nu’ canto cchiù nne so’ cuntento.
Ca nun vaco, p’ammore e no pe’ punto,
nè a ’nu cafè, nè a ’nu trattenimento.

’A. sera mme retiro ’e ddiece ’mpunto
c’uno penziero e c’uno sentimento...
c’ ’a stessa frennesia... cu’ ll’uocchie ’e chianto...
E si aggio ’a bonasera... nun ’a sento,
pe’ te... pe’ te... ca voglio bene tanto!