Page:'E Lluce-luce.djvu/125

From Wikisource
Jump to navigation Jump to search
This page has been proofread.



I.

Ch’hè fatto n’ ’o puo’ credere
cu’ chesta vocca toia...
M’hê fatto sentì ’a ggioia
c’ancora pozzo amà...

M’hê fatto turnà giovane,
quanno nun m’ ’o credeva;
m’hê fatto sentì ’a freva
comme a ddiece anne fa.

E tu?... Tu ca si’ ll’urdema.
— si ’a primma nun si’ stata —
si’ chella ’nnaminurata
che tutto fa scurdà.

Si chella tala femmena
c’uno nun crede viva,
e arriva, quann’arriva,
sulo a ’na certa età...