Page:'E Lluce-luce.djvu/119

From Wikisource
Jump to navigation Jump to search
This page has been proofread.


Donna Gaitana stira: pripara ’na baschina
ca, sotto ’o bagno ’e pòsema, se ’ntosta a poco a poco...
E dà ’na voce a Grazia, che sta dint’ ’a cucina:
               — Graziè, n’uocchio a ’stu ffuoco.

Ma Grazia, chiena ’e grazia, s’appenne d’ ’o barcone...
E mmiezo ’e tteste ’aruta, cchiù bella e cchiù carnale,
cu’ ll’uocchie abbascio ’o viculo, parla cu’ ’nu dragone:
               — «Stasera... ’a Villa Riale...

No?! qua’ cafè Donzelli? Luvateve ’o gulio.
Surtanto dint’ ’a Villa c’è dato ’e ce vedè.
Faciteve capace! Ve pare ca zi-zio
               ce porta ’int’ ’o cafè?»