Page:'E Lluce-luce.djvu/115

From Wikisource
Jump to navigation Jump to search
This page has been proofread.
113
Core e penziero


NIENTE


Aggiu penzato i’ mo’: cca che ’nce faccio?
Sbareo... nun tengo ggenio ’e faticà.
Me piglio ’na figliola sott’ ’o vraccio
e m’ ’a porto a Pusilleco a cenà.

E ’sta figliola, ca me tene mente,
me spia: Che pienze? E i’ le rispongo:
                                                       Niente!

M’aggio cacciato pure ’o passapuorto...
Che ’nce aspetto? Che torna? E pe’ fa che?
Quann’i’ le dico ch’essa ha avuto tuorto;
c’ ’a cosa nun è prevenuta ’a me...

Quanno turnammo tutto amor cunzente,
che s’è cunchiuso?... Che s’è fatto?
                                                       Niente!