Page:'E Lluce-luce.djvu/113

From Wikisource
Jump to navigation Jump to search
This page has been proofread.
111
Core e penziero


Cu’ chi me faccio ’na risa?
A chi pozzo di’ ’na parola?
Pane?
     E va trova ’o ppane mme cunzola?

I’ so’ puveriello, gnorsì:
ma quanno aggio avuto ’o piatto,
voglio ’na cosa pur’i’!

Femmena?
          E comme m’ ’accatto?

Ce vo’ una ’e buon core,
che se nne vene cu' mmico ’a casa,
che ’nzerra ’a porta e nun l’arape cchiù!
Che me mette ’e buonumore,
sulo si ’a guardo ’nfaccia.
Che mme dice: «Cca sta ’o ffuoco!»
                         E mme vasa.
«Cca sta ’o ppane!» E m’abbraccia!
E se cuntenta ’e fa’ ’sta giuventù!