Page:'E Lluce-luce.djvu/110

From Wikisource
Jump to navigation Jump to search
This page has been proofread.
108
Poesie


VINO


Si me cuntrasto cu’ ’nu malandrino,
chi m’appapagna? ’O vino.

Si m’ ’a piglio c’a sciorta e c’ ’o destino,
chi me da pace? ’O vino.

Si n’ambo c’è passato pe’ vicino,
chi me lusinga? ’O vino.

Si sott’a ll’acqua n’ora e ddoie cammino,
chi asciutta ’o ’nfuso? ’O vino.

Si nun tengo ’o sicario ’int’ ’o bucchino,
chi me da fummo? ’O vino.

Si fa friddo.... E sto comme a ’nu stracchino,
chi me da fuoco? ’O vino.