Page:'E Lluce-luce.djvu/105

From Wikisource
Jump to navigation Jump to search
This page has been proofread.
103
Core e penziero


’O VIECCHIO ZAMPUGNARO


’O viecchio zampugnaro,
cu’ sittanta natale ’ncopp’ ’e spalle,
comme vedette ’e pprimme fronne gialle
cade’ ’nnanze ’o pagliaro,
dicette: «E sissignore!
Tu scendi dalla stelle, o Redentore!»

Po’ s’asciuttaie ’na lacrema cu’ ’e ddeta
e suspiraie: «Zampogna, te saluto.
Ma si nisciuno cchiù t’abboffa e sceta,
vienetenne cu’ mmico ’int’ ’o tavuto...»

Chiù arrasso, ’o neputiello, c’arrunava
quatto castagne ’nterra ’a sérva ’nfosa,
senteva ’o viecchio... e comme ausuliava:
«Vienetenne cu’ mico...» s’appicciava
p’ ’o desiderio ’e riscifrà ’sta cosa...