Page:'E Lluce-luce.djvu/100

From Wikisource
Jump to navigation Jump to search
This page has been proofread.
98
Poesie


Addò vide ’na varca, ch’è fresca ’ncatramata,
cùrrece, zompa; assettate e risciata!

Trovate ’o marenare cchiù viecchio ’e ’sta marina,
c’ha tenuto ’na varca curallina;

c’ha girato p’ ’o munno; c’ha vista ’a morte ’e faccia...
e ca se l’ha scanzata a fforza ’e bbraccia.

E siéntelo. Ogne vvota pò di’ ’na cosa nova
ca cchiù de ll’aria ’ncatramata ggiova!

E nu’ penzà cchiù a niente! Ca si tuorne a fa ’ammore...
te piglie n’ata bobba e... manco muore!