Page:'A storia nova - Ferdinando Russo.djvu/56

From Wikisource
Jump to navigation Jump to search
This page has been validated.


X.


Chi è, che chiagne ’a reto a stu murillo?
Corro, e veco ’e tremmà nu turchiciello!
’O piglio mbraccio… É propio piccerillo…
Palpeta e strilla comm’ a n’avuciello!…
Neh, neh, guardate cca!… Quant’è bellillo!
A chi appartene, chisto lazzariello?
Me vòto attuorno, ma nisciuno ’o chiamma,
nisciuno ’o cerca… Avrà perduta ’a mamma…

XI.


— « Zitto! N’ave’ paura!… N’alluccà!
« Che vuo’ da me? Tanto ’mperruso si’?!
« M’ha afferrato nu dito!… E che vuo’ fa?
« Vuo’ fa tu pure ’a guerra, neh, Tetì?
« Mo’ vùtte cauce? Te ne vuo’ scappà?
« Zitto, bello 'e papà! Nun fa accussì!
« Ma guardàte che forza!… E chi nce po’?
« M’ ’o vuo’ lassà, stu dito?… Si, o no?! »


— 50 —