Page:'A storia nova - Ferdinando Russo.djvu/52

From Wikisource
Jump to navigation Jump to search
This page has been validated.


II.


’A penna? ’A carta? Chi t’ ’è ddà! Sceppammo!
Pe tramente nce pienze, nu signale!
Lassammo tutto llà… Nce alliniammo…
Ma che vo’, chesta razza d’animale?
Nu cumando e se parte! E nui marciammo…
Addò? Chi ’o ssape! Piglia zappe e pale,
’a pistola, ’a scuppetta, e jammo nnanza!
A macàro tenesse na speranza!

III.


Tenesse na speranza ’e ne nfilà
na quarantina, comme vuless’ i’,
uno int’ all’ ato, p’ 'e vedè abballà
nfi’ a quanno nun se stancano ’e suffrì!
A macàro ’e pputesse secutà
sulo p’ 'o sfizzio d’ 'e vvedè sparì!
Doppo, scrivesse a Carulina mia:
« Carulì, che nzalata, sta Turchia! »


— 46 —