Page:'A storia nova - Ferdinando Russo.djvu/51

From Wikisource
Jump to navigation Jump to search
This page has been validated.


I.


SPONTA nu sole 'e porpora. E’ matina.
'O mare, sott’ 'e ragge, è nu tesoro.
'A sveglia sona. Io penzo a Carulina:
uocchie 'e velluto e ricciulille d'oro!
« Pecchè non te potesse sta vicina? »
me dicette partenno. E me n’accoro…
Sulo pe causa ’e chisti chiappe ’e mpise,
l'aggio scritta doi vote, 'a quatto mise!