Page:'A storia nova - Ferdinando Russo.djvu/45

From Wikisource
Jump to navigation Jump to search
This page has been proofread.


VIII.


Tu che facive? ’A nnammurata toia
te poteva sapè desierto e vivo,
ma te pensava, dint’ ’a smania soia,
vi le, senza na patria e fujetivo!
Mo’ sulamente, tu l’ ’e dato ’a gioia!
Mo’ te canosco overamente, e scrivo!
Perciò cchiù bello ’o core mio te sonna!
Stai nprimma fila! Pare na culonna!

IX.


E mo’, viene a guarda chill’artigliere!
Te sbagliàsseno mai na puntarìa!
Tèneno fuocchio acuto d’ ’o spruviere!
Nun danno tiempo ’e di: « Madonna mia! »
Ma che mbruoglio me vene int’ ’o penziere?!
Madonna, mocca ’e Turche d’ ’a Turchia?!
Vasate sempe nterra, àneme sfatte!
Madonna ’a Mala Pasca ca ve vatte!


— 41 —