Page:'A storia nova - Ferdinando Russo.djvu/44

From Wikisource
Jump to navigation Jump to search
This page has been proofread.


VI.


Tu stai scritto llá dinto! E chisto nomme
pure si more ’o cuorpo, è fatto eterno!
E sott’ a isso porta ’o qquanto e ’o comme
mannaste Turche e Arabe all’inferno!
Che carnevale ’e scuppettate e mbomme!
Che cannonate revacate ’npierno!
E vide c’addeventa, sta canaglia,
sott’ a chelli semmente d’ ’a metraglia!

VII.


E vide chella nave, ’a miez’ ’o mare
comm’accumpagna ’e mosse ’e chesta guerra!
Vide ’o cannone, quanno pònta e spare,
che caruòfene russe manne nterra!
Songo freselle ’e dùdece a cantàre!
E ’o Cumannante, cu ’o bunetto ’a sgherra,
se fa na resatella malandrina
e guarda, int’ ’o binocolo, ’a cullina...


— 40 —