Page:'A storia nova - Ferdinando Russo.djvu/34

From Wikisource
Jump to navigation Jump to search
This page has been proofread.


II.


Damme nu vase... Sì! Dammine n'ato!
Strigneme 'npietto forte forte... e va!
Tenevo sulo a te... ma sì suldato!...
'A Madonna te pozza accompagnà!
Puoszze tornà tenente e decurato!
Vàseme ancora!... Mamma aspettarrà!...
Tutt'e mmattine,quanno sponta 'o sole,
Te manno nu saluto e doi parole...

III.


E tu pure! E tu pure, ('o saccio 'o saccio!)
penzarrai sempe a chesta vicchiarela!
Nnanz'a Sant'Anna mia nu vuto faccio:
ca tu farai felice a mammarella!
Sì, figlio d'oro! T'aggia tenè mbraccio,
quanno rituorne cu 'a vittoria bella!
Voglio alluccà pe tutt' 'o vicenato:
« Guardate 'o figlio mio, mò ch'è turnato! »

— 30 —