Page:'A storia nova - Ferdinando Russo.djvu/27

From Wikisource
Jump to navigation Jump to search
This page has been proofread.


VIII.


E ghiammo nnanza! ’A caravana passa!
Porta fucile e robba a sti nemice!
Guagliù facimme a corsa a chi l’appassa!
E si morimmo, Dio nce benedice!
— Sotto, ragazzi! E vene ’o scassa-scassa
Signor tenente, è inutile c’ ’o dice!
Viva l’Italia! L’arrivammo certo!
E baionetta in canna, p’ ’o deserto!

IX.


Sotto, ragazzi! Sotto!... E nui currimmo!
Zòmpa, cavallo mio! Zòmpa, cavallo!
Zumpamm nzieme quanto cchiù putimmo!
E n’ata vota s’accummencia ’o ballo!
So’ strille e scuppettate, e nui redimmo!
A chesti ccose avimmo fatto ’o callo!
— Avanti! Avanti! P’ ’a vittoria bella!
Ma... So’ sparite ’a reto ’a muntagnella!


— 23 —