This page has been validated.
—9—
inyo pagpuyu. Kon ang babae ang maláin, tinguhàón ang pagbalhin sina nga kalàin agúd mag-ayo, subung man ang lalaki. (Magtindug) Amó na akó anay... (Tao malakát na) Balhiná ninyo ang inyo pagpuyu agúd ang himayà magbanàag sa inyo. (Lacat)
GRACIANO - (Sang pagkalumbus na ni Rosario) ¿Anano ang ginpanugid nimo cay Charing?
SOLEDAD—Walâ.
GRACIANO—Tubtub diri imo ginapakità ang imo kalàin, bañagà.
SOLEDAD—(Maghibi) Akó ang imo ginapa.. kalain sing ang tanán ginaantus nakon. (Maghiti pa gid.) Ikaw nga ang imo pilak sa sugalan kag sa mga babae nimo ginayákyák, ikaw nga dili gani makadumdum sang akon pagkàon, ikaw nga sa walâ sing kabangdanan agapintas sa akon, ikaw ang maayó; apang ako nga kon makakaen tungud sang kalooy sang mga abyan, akó nga nagabatás sang imo habangis, aló nga imo ginapintasán, ako ang malain. . . . .
GRACIANO—Choleng.... hinugay na.. (Palapitán kag handon nga kugion) Sin-oang nagsugid sa imo nga may mga babáe ako? Sin-o?
SOLEDAD — Mahimù nga kug-on nimo ako kay amó na ang imo batasan, kay ako maluya, apang ang matùod dili na pagtagùa....(Nagahibi gihapon)
GRACIANO—Choleng. . . . (Tulukon masakit si Soledad nga daw iya lamunon)
SOLEDAD Hoo Graciano... ang matùod, matùod. Ikaw walâ mahagugma sa akon, ikaw
