This page has been validated.
—6—
SOLEDAD - Matiud, Charing. Ang magbulág sa isá ka bana, bisan pa iní sia malain, amó ang labi nga mapàít nga panumdumón sang isá ka asawa, apang kon dili na maantús, kon sa luyó sina nga bana lamang ang kasakit amó ang ginabaton sang asawa sa tanan nga tión, hanti wala na sing liwan nga mahimu. . . .
ROSARIO - Ina nga casuguán nagapatawhay sang pagpangabuhi sang táo.
SOLEDAD Apang, abi ang lalaki, sa paghingabút lamang sa isá ka babáe, iya ini ipakasal, kag kon mapakasal na niya, iya bulagán?
ROSARIO - Dili man mahimà.
SOLEDAD - Kay wala sing kabangdanan?
ROSARIO - Ho; kay wala sing kabangdanan.
SOLEDAD - Hanti pintasán abi sang bana, kag kon indi, butángbutangan abi sing mga kasalanan?
ROSARIO - Labi nga maayo, agúd ang babae sa ila pagpamana dili magpahinali, kondi ila gid anay kilalahon sing tungkad ang táo nga nagatuyò sa ila; panilagan kon putli balá ang paghigugma.
SOLEDAD - ¿Hanti, kay may mga lalaki nga sampaton magpuní sing bulak sa mahigkù nila nga batasan, nga makilala la mang kon makasal na?
ROSARIO - Hanti, bangúd sinâ yarà ang divorcio nga sarang dangpan sang kailo nga makatiplang, nga amó ang magaluás sa iya sa kabangis sang bana. Kon walâ sing divorcio, pilit na lamang nga magbatás siá.
SOLEDAD - Hamili nga kasugùán. Mahapús matùud ang magpamana, apang mabud-
