Page:!Talikala! (microform) - drama sa duha ka bahin (IA aps8632.0001.001.umich.edu).pdf/23

— 23 —

  Akó dili malàin nga babae. Ang anák mo
  amó ang mahigkù nga babae....
PABLO (Mahinay) Apang ikaw nagtoo
  mga panug-an ni Gaudencio...
SOLEDAD Dili tungúd kay Gaudencio ang
  akon ginbulág sa bana ko: dili ka maghu
  nâhunà sing subung. Ginbulagán ko ang
  bana ko kay mapintas, kay dili na mabatás
  ang iya pagpakalisúd sa akon.... Kag
  si Gaudencio nagbulág sa, anak mo kay
  ang anak mo maluíb.
PABLO...Magapati akó kon tungúd sang kabangdanan
  sang imo pagbulág sa imo bana, kay
  ang isá ka asawa dili gid matuod magbulág sa
  iya bana kon abi ang bana dili gid
  tamà ka pintas, apang kon tungud sang
  kalúíb sang anák ko, sónô sang imo ginapamulung,
  inâ butángbutang lamang ni
  Gaudencio, ayhan sa pagbutig kag sa pagpatčo sa imo.
SOLEDAD Bisan pa, wala ka katarungan sa
  pagpasipala sa akon.
PABLO-Patawara akó. Apang kailo ka nga
  ginbutigán ni Gaudencio.
SOLEDAD Ginatoohan ko kay amó ang iya
  sugid, kag ako nagalaum nga dirí sa kalibutan
  amó iní ang mahanab; nga ang
  bana luibán sang asawa, kag sa tungúd
  siní ang bana sarang makabulág.
PABLO-Ikaw ginpasalig lang ni Guadencio
  nga magabulág siá sa iya asawa, apang
  dili mahimù.
SOLEDAD-¿Ngaa dili mahimu?
PABLO-Kay sa bana kag sa asawa may mabakud nga
  talikalâ nga nagahigút nga sa kamatayon lamang mabugtó