On pau tiestowe !

From Wikisource
Jump to navigation Jump to search
Les crostillons  (1889)  by Joseph Kinable
On pau tiestowe !
[ 45 ]
On pau tiestowe ! (*)

Louquîx s’vos m’traitîz co d’pouïeu
Ji v’foute è l’aiwe sins fer nou pleut.
— Pouïeu, li brait s’feumme èco n’feie.
— Canaie, dit l’homme, ji v’vas fer veie :
Dusqu’â vinte i l’plonque è corant,
Mais leie è nn’è brait tot ochtant.
Todis pu bas vla qu’i l’afonce
Sins l’espêchî dè fer s’response.
Po qu’elle ni pôe pus dire on mot
Vla qu’i l’chouque è l’aiwe tiesse et tot.
S’pinséve y gâgnî c’ess t’apreumme
Qu’i veya çou qu’c’esteut di s’feumme :
On veut sès main riv’nit s’tâ jou
Et fer comme s’el touéve on piou,
C’esteut co dire pouïeu sins l’dire.
En l’rissèchant i s’mette à rire,
Mais c’fourit tot jenne qu’i ria.
Quèl keur fat-i l’jou qu’è l’maria !