On dèfaut d’ famille

From Wikisource
Jump to navigation Jump to search
Les crostillons  (1889)  by Joseph Kinable
On dèfaut d’ famille
[ 28 ]
On dèfaut d’ famille.

 
On pout bin esse docteur, docteur haut èclawé,
Eco dire des biestreie.
Ine feumme di d’vins les Basse, houie, on dit l’rowe Basse-Wez,
C’ feumme là s’ louméve Mareie,
Dispôë treus ans mariaie n’aveut co nou gnaignai
Et çoula l’ disoléve,
Dè n’ poleur si chervi d’ ses fahe et d’ ses lignerai.
Comme li médecin passéve,
Elle li houque et li d’mande kimint qui coula s’ poût
Qu’elle ni seuie nin co mére ?
— Madame, li respont-i, songîz bin qui ji n’ voû
Nin v’qwêri des misére,
C’ess t’on dèfaut d’ famille, comme vos, i n’iè n’a tant,
Ji wagereu qui vosse mére n’ava mâie nol èfant !