Olach' la Marmolata. Ćiantia di Ladins
Olach' la Marmolata. Ćiantia di Ladins
Olache la Marmolada cun le ce da nëi söinsom
y Pelmo y la Civeta fej sëgn a döt Fodom;
gran Sas dla Crusc y Pütia dalunc vignun conësc;
sön piz de Col dla Vedla i crëps da cialc finësc;
olache Plan de Corones i plej d' isté a vignun,
dailó él nostes ciases, chël post, olache i stun.
Tles vals y sön les tëmples, ti ciamps y pra floris,
i vedli y i jogn laora por n' ester mai tardis,
da sëra stanc mo ligri, s' abina düc adöm
Rengraziëia Dî y cianta gonot al cil bel bröm.
Y la domënia a dlijia i gragn y i pici vëgn:
insciö él nosta usanza, insciö starunse dër bëgn.
Te chësta val sigüda da n ri potënt vijin la jënt
s' é mantignida cun le bel lingaz ladin.
Laur, y siara y orde i dênse a nüsc patruns
mo cör y usanzes nostes tignînse por nüsc mituns.
Y ci che nüsc antenac dagnora á conservé
Orunse ince nos defëne, ladins orunse resté.