N om vedl de passa nonanta agn
Jump to navigation
Jump to search
N om vedl de passa nonanta agn
N om vedl de passa nonanta agn stê mefo tost dagnora sön fur ponü, e ne fajova ater tüt le dé che ćiacolè. So fi avess avü plü gën, che ël avess dit valch paternoster e ess pensè a la mort. Pervia de chëst dîjel n dé: "Pere! Ne fajesses pa mì de dì valch paternoster e de pensè datrai a la mort, che sëis tant vedl?"- "Pensè a la mort?", respogn le vedl. "Iö ne pënse pa inćiamò de morì iö."- "Bëin, bëin", dij le fi, "perchël déssen bëin impò pensè a la mort. Ne savëise pa che sant Paul dij ch' an dess vire con timore e tremore!" – "Eh", respogn le vedl, „sant Paul sà pa bëin inće ël da mentì."
|
This work is in the public domain in countries where the copyright term is the author's life plus 70 years or less. See Copyright.
|