Li songe d’à Rôse

From Wikisource
Jump to navigation Jump to search
Joyeux rèspleus  (1899)  by Jean Bury
Li Songe d’à Rôse
[ 18 ]
LI SONGE D’A ROSE

PO LI P’TIT BECKERS

AIR : Ce que rêvent les femmes

1

Li p’tite Rôse n’aveut nin cinq ans ;
Elle èsteut gintèye et jolèye
Et tote nute, comme les autes èfants,
Bin longtimps d’vant l’saint-Nicoleie,
Elle songîve
Ine saquoè d’nozé
Qu’on pout can’dozer !
Et qui l’bon grand saint
Donne âx cis qu’il ainme bin ;
Çou qu’on pout moussî,
Poèrter, puis hossî,
Mette des bleus solers
Et fer si p’tit lét…
Adon, ll’ s’èdoèrméve tot douc’mint
Tot pinsant t’ni s’belle pope tote rôse !
Elle bâhîve minme ses blankès mains !…
Volà, volà çou qu’songîve li p’tite Rôse.

2

Min, comme elle aveut des parints
Qu’èstit pauves divins leu manège,
Qui s’mame si trovéve sins d’tot rin
Et qui s’pére èsteut sins ovrège,

[ 19 ]

Is songit :
Qui c’pauve èfant là,
A câse di çoula,
Ni poreut st-avu
Çou qu’elle comptéve dissus !
Ca les pauvès gins
Qui n’ont nin d’l’ârgint,
Li grand saint l’s’y dit
Qu’i n’fait nin crédit !
Li bon Diu, po l’pauve pitit coûr
Ci joû-là d’vins n’hoplèye di roses,
Avoya n’nozêye pitite sour !
Volà, volà l’saint Nicolèye d’à Rose !

3

Li pope qu’elle aveut tant songî
Esteut vormint tot fî parèye.
Elle ni poléve trop è l’louquî
Tell’mint qu’elle èsteut belle à vèye !
Li p’tite Rôse
Priyîve li grand saint
D’li wârder s’présint
Divins l’minme fristé
Belle et pleinte di santé ;
Qu’tofér elle âreut.
Li cour awoureux
Dè fiestî l’cârpai,
Si nozé, si bai !
Min l’moért, qui jalosêye todis
A fâci l’pauve ange comme ine rôse,
Et, lu qui v’néve dè paradis,
Es térre, on d’hind l’saint Nicolèye d’à Rôse.