Li siyete et l' frumijhe

From Wikisource
Jump to navigation Jump to search
Li siyete et l' frumijhe (diviè 1890) 
by Antoine Kirsch, edited by Lucien Mahin

Li siyete, k’ aveut tchanté
Tot l’ esté
Si trova so ene foirt måle coxhe
Cwand volît les blankès moxhes,
Ca elle n’ aveut fwait nou spågne-måye :
Rén sol tåve, rén e l’ årmå.
Elle ala braire al famene
Dilé l’ frumijhe, si vijhene,
Tot l’ priyant di lyi pruster
Ene betcheye, po vicoter.
« Tant ki l’ nivaye soeye evoye,
Avou profit, voye non voye,
Fwè d’ mi, dit-st ele, po l’ Sint-Djhan
Vs råroz vos mitches e-n on pan. »
Li frumihe n’ in.me nin l’ epronte :
C’ est la l’ pus ptit d’ ses difåts.
« Ki fjhîz vs don, cwand i fjheut tchôd ? »
Dit-st ele a cisse grande sins-honte.
« Nute et djoû, avå les tchamps,
Dji tchantéve, po v’ dire li vrèye
Vos tchantîz ! Dansez, mameye.
On n’ aide nén des sfwaits trouwands. »