Li crikion et l’ frumijhe

From Wikisource
Jump to navigation Jump to search
Ôtès modêyes : Ortografeye do scrijheuFeller-Haust
Li crikion et l’ frumijhe (diviè 1855) 
by Charles Duvivier de Streel, edited by Maurice Piron (La Vie Wallonne, 1948, foto do papîscrît) et Lucien Mahin (ritapaedje et metaedje e rfondou)
Duvivier papîscrît crikion.jpg

On crikion k’ aveut tchanté tot l’ esté
Si trova foirt dihessî
Cwand l’ bijhe el vina hagnî.
I n’ aveut nén ene miete
D’ on ptit waerbåd ni d’ moxhete.
Il ala braire li famene
Amon l’ frumijhe si vijhene,
Tot lyi djhant di lyi pruster
Kéke restant po vicoter
Tot ratindant l’ ôte anêye.
- Dji vs payrè, savoz, mamêye ;
Divant l’ awousse, so m’ parole,
Vos råroz tot, ou l’ diåle m’ evole !
Les frumijhes ni prustèt rén
Ç’ n’ est nén leu petchî, vormint.
- Vos vnoz, dit-st ele, po m’ acreure ;
Ki fjhîz vs divins les tcholeurs ?
- Nute et djoû, dji fjheu do brut
Ki c’ esteut on vraiy disdut.
- Vos tchantîz, dj’ è so binåhe ;
Asteure, dansez a voste åjhe.



Notes Wikisourd

Li date n' est nén acertinêye, mins ele doet esse inte èn eplaidaedje di 1844 di deus ôtes fåves Lafontinne, et divant l' moirt do scrijheu e 1863. Nos avans tchoezi 1855 a pouf.

Les deus vers sicrîts sol costé replaecèt les deus prumîs bårés. Li roye sicrîte ådzo do papîscrît a stî rmetowe divant l' cene ki finixh pa «choleur» (troejhinme båraedje do tecse), veyanmint li rimaedje deus a deus do boket

Li mot «retson» (nén eplaidî) sereut i ene disfondowe di «restant» avou prononçaedje <on> hesbignon et ribetchfessaedje -st- > -ts- ?

«acroere» («accreure» e l' mwaisse modêye) a cial li sinse d' «atchter al croye» (loukîz a «acreûre» dins l' motî Haust.