42. Le telescopio

.1 Nunc le pelegrinos solmente desirava proceder lor viage, e mesmo le pastores reputava que il esseva tempore. Assi, insimul, illes camminava verso le termino del Montanias.

.2 Alora le pastores diceva le unes al alteres: "Vamos monstrar al pelegrinos le portas del Citate Celestial, si illes sape usar nostre special telescopio.

.3 Assi le pelegrinos con gratitude acceptava le proposito. Illes alora debeva vader sur le culmine de un colle nominate Clar, e illes recipeva le telescopio pro reguardar. Illes alora essayava reguardar, ma solmente rememorar lo que le pastores les habeva monstrate antea faceva tremular lor manos. Pro iste ration illes non successava vider clarmente per le telescopio. Illes tamen poteva apperciper alco simile a un Porta, e alco del gloria de ille placia.

.4 Alora illes partiva e cantava: "Assi per le pastores, secretos nos esseva revelate; secretos le quales es celate al altere homines: veni alora confidente apud le pastores: tu videra cosas profunde, cosas celate, cosas mysteriose....

.5 Quando illes esseva assi jam preste a partir, uno del pastores les dava un folio con le itinerario del cammino. Un altere les exhortava a guardar se del adulatores. Le tertie les admonestava a non cader addormite sur le terreno charmante, e le quarte les dava le bon viage. Inde io me eveliava de mi sonio.