38. Le Montes Delectabile

.1 Illes assi prosequeva usque al Montanias Delectabile, le quales pertine al Senior del Colle, super le qual nos parlava precedentemente. Illes ascendeva le Montanias pro spectar le jardines, le verdieros, le vinias, e le fontes de aqua, in le quales illes bibeva, se nettava e mangiava liberemente.

.2 Al culmine de iste montanias il habeva pastores le quales nutriva lor greges. Assi le pelegrinos se approximava a illes e, appoiante se sur lor bastones (como le fatigate pelegrinos es costumate facer quando illes parla con alcuno per le via), illes demandava: "A qui pertine iste Montanias Delectabile? E a qui pertine iste greges que se nutri super illos?.

.3 Pastores: "Iste Montanias pertine al Terra de Emmanuel, e illos es proxime al Citate. Mesmo le oves le pertine, e Ille sacrificava Su vita pro illos.

.4 Christiano: "Esque isto es le via que conduce al Citate Celestial?. Pastores: "Si, exactemente. Christiano: "Esque illo es ancora distante?. Pastores: "Troppo distante pro omnes, excepte pro illes qui vermente a ibi pervenira. Christiano: "Esque le via es secur o periculose?. Pastores: "Secur pro illes pro qui illo debe esser secur, ma le transgressores ibi cadera [Os 14:9].

.5 Christiano: "Esque il ha alcun placia hic ubi fatigate e debile pelegrinos pote reposar un poco?. Pastores: "Le Senior del Montanias ha date nos un carga: non oblidar de intertener estranieros [Hebr 12:2], ergo tote le bon que iste placia offere es pro vos.

.6 Io assi videva in mi sonio que quando le pastores percipeva que illes esseva pelegrinos, illes alsi les poneva questiones simile a illos que les esseva ponite in altere placias, como: "De ubi vos veni?, "Como vos perveniva hic, "Per qual medios vos perseverava usque hic? Proque solmente poc personas successava arrivar usque a hic. Quando tamen le pastores audiva lor responsas, illes esseva satisfacite, e, in reguardar les con multe amor, illes les diceva: "Benvenite al Montanias Delectabile!.

.7 Le nomine de iste pastores esseva: Cognoscentia, Experientia, Vigilantia, e Sinceritate. Illes les prendeva per mano e les conduceva a lor tentas e illes condivideva con nostre pelegrinos lo que esseva a lor disposition.

In ultra illes diceva: "Nos haberea placer si vos permane hic un poco. Nos potera cognoscer nos melio e nos potera consolar nos con le benes de iste Delectabile Montanias. Alora illes les diceva que illes haberea essite contente de restar con illes. Assi illes vadeva a dormir, proque il esseva jam multo tarde.