Le Lusiadas

Le Armas e le Barones signalate Que, ab le Occidental plagia lusitan, Per mares nunquam de ante navigate, Passava ancora ultra le taproban In periculos e guerras fortiate Plus que promitteva fortia human, E inter gente remote edificava Nove Regno, que tanto sublimava;

Cessa del sagio Grec e del Troian' Grande navigationes que on faceva; Tace se de Alexandro e de Trajan' Le fama del victorias que habeva; Que io canta le pectore lusitan A Qui Neptuno e Marte submitteva. Cessa toto lo que Musa ancian canta, Que altere valor plus alte se incanta.