lape mi

From Wikisource
Jump to navigation Jump to search
lape mi
by Michael F
mi kama jo e toki musi ni tan lipu ni. mi sona ala e ni: tenpo sike seme la lipu ni li kama lon. taso tenpo sike 2014 la ona li lon lipu archive.org.

English (toki Inli): Retrieved from this page on archive.org. The English title is "Dreaming" according to this page. The year of first publication is unknown, but it was no later than 2014, going by the archive.org link.

lape mi

tenpo wan la mi lape e ni:

mi lon tomo pimeja. mi lukin ala e ijo. mi tawa e monsi pi jan ike mi. mi sona e ni: mi wile moli e ona. taso, mi wile e ni tan seme? mi sona ala. mi jo e ilo moli wawa. jan ike mi li jo kin e ilo moli wawa. tenpo sinpin pi moli mi la mi wile moli e ona. tenpo sinpin pi moli ona la ona li wile moli e mi.

mi tawa e lupa e nasin tomo e lupa suli. mi kute e kalama ala. tenpo ali la mi pilin e ni: ni li ona! ona li lon monsi mi!

a! ona li lon! mi sike li seli e ilo moli wawa mi. taso ona li pali e seme. ona li anpa li pakala. mi li anpa li pakala kin.

suno lili li lon. mi lukin e ni. pakala! ona li jan lili! jan lili li jan ike mi! mi moli e jan lili! mi pilin ike ike mute mute.

mi sona e ni: ona li moli; mi moli ala. ona li toki: “jan pi sona mute li moli e jan tu pi suna mute. ni li ijo pi sona lili.”

mi tawa e lawa mi lon sewi en anpa. tenpo pi moli ona la mi telo oko.


CC some rights reserved.svg
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.