La Bibia piemontèisa/Testament Neuv/Gioann Litre/1Gioann 1

From Wikisource
Jump to: navigation, search

Prima litra 'd Gioann[edit]

1[edit]

Pròlogh[edit]

1Sossì a l'é lòn ch'iv nunsioma: lòn ch'a l'era fin-a dal prinsìpi[1], lòn ch'i l'oma sentì, lòn ch'i l'oma vëddù con nòstri euj medésim, lòn ch'i l'oma contemplà e che nòstre man a l'han tocà. Iv parloma dla Paròla dla vita: 2përché la vita a l'é manifestasse: nojàutri i l'oma vëddula[2] e na rendoma testimoniansa, iv nunsioma col ch'a l'é la vita eterna, còl ch' a l'era con ël Pare e che peui a l'é stane manifestà. 3A vojàutri, donca, i nunsioma lòn ch'i l'oma vëddù e sentì, përchè 'dcò vojàutri i sie an comunion con nojàutri, ch'i l'oma comunion con ël Pare e con Sò Fieul Gesù Crist. 4Iv scrivoma tut sòn përché nòstra gòj a sia completa.

Nosgnor a l'é lus[edit]

5Sto-sì a l'é 'l messagi ch'i l'oma sentì da Gesù e che adess iv nunsioma: che Nosgnor a l'è lus e ch'a-i é gnun top an chiel. 6S'i disoma ch'i soma 'n comunion con chiel, ma, an efet, i vivoma[3] ant lë scur, i soma mach ëd busiard e i vivoma pa nen conforma a la vrità. 7Tutun, s'i vivoma ant la lus tanme chiel a l'é 'nt la lus, i soma 'n comunion l'un con l'àutr, e 'l sangh ëd Gesù, sò Fieul, an purifica d'ògni pëccà[4]. 8S'i disoma ch'i l'oma gnun pëccà, i 'ngabioloma mach noi medèsim e i vivoma nen ant la vrità. 9Contut, s'i confessoma[5] nòstri pëccà, Nosgnor, ch'a l'é fedel e giust, an përdonrà ij pëccà e an purificrà da tut lòn ch'a l'é nen giust[6]. 10S'i disoma ch'i l'oma gnun pëccà, a l'é coma s'i disèisso che Nosgnor a l'é 'n busiard e cola-lì a sarìa la dimostrassion che Soa paròla a sta nen ëd cà da nojàutri.

Nòte[edit]

  1. Gioann 1:1.
  2. Gioann 1:14.
  3. O "i marcioma.
  4. O "la vrità a l'é nen an noi".
  5. O "arconossoma".
  6. O "da ògni 'ngiustissia".