La Bibia piemontèisa/Testament Neuv/Corint/2Corint 13

From Wikisource
Jump to: navigation, search

13[edit]

Avertiment e esortassion[edit]

13:1 Costa sì a sarà la tersa vira ch’i vnirai da vojàutri. E, coma ch’a diso le Scriture: “Tute le question a l’han da esse arsolvùe për la paròla ‘d doi o tre testimòni”. 13:2 I l’avìa già avertì coj ch’a l’avìo fàit pëccà quand ch’i son ëvnùit da vojàutri la sconda vira. Ora i avertisso torna lor e j’àutri, pròpi coma ch’i l’hai fàit anans. La vira ch’a ven i l’avrai pì gnun-a toleransa.

13:3 Dagià ch’i serche la preuva che ‘l Crist a parla për mè mojen, iv la darai. Ël Crist a sarìa nen débol s’a l’avèissa da fé con vojàutri, ma a sarìa bin fòrt! 13:4 Chiel, an efet, quand ch’a l’é stàit butà an cros a l’era débol, ma adess a viv për la potensa ‘d Nosgnor. L’istess nojàutri i soma déboj an chiel, ma për la potensa ‘d Nosgnor, i saroma viv ansema a chiel e i l’avroma la potensa ‘d Nosgnor.

13:5 Esamineve da voi istess për verifiché se vòstra fèj a l’é génita. Butevene a la preuva. Sevene arconòsse che Gesù Crist a l’é an vojàutri? S’a l’é nen parèj i l’eve falì la preuva ‘d na fej génita: i sarìe dij danà. 13:6 An tùit in cas, i spero ch’i arconossreve che nojàutri i l’oma nen falì la preuva dl’autorità apostòlica.

13:7 Ora, i prego Nosgnor ch’i fareve nen lòn ch’a l’é mal an arfudand nòstra coression. I spero ch’i l’avroma nen da manca ‘d dimostré nòstra autorità quand ch’i rivoma. Fé la còsa giusta anans ch’i rivoma - a fà nen se lolì a farìa smijé che nojàutri i l’oma falì ant ël dimostré nòstra autorità. 13:8 Ël podèj ch’i l’oma a l’é an favor dla verità, nen contra la vrità. 13:9 Is arlegreroma dë smijé déboj se lolì a peul giudé a rendve fòrt. I pregoma che vojàutri i dvente madur.

13:10 Donca, iv scrivo ste còse anans ch’i ven-o përchè col dì-lì i l’abia nen da trateve con rigor. I vorerìa pitòst dovré l’autorità che Nosgnor a l’ha dame për l’edificassion e nen për la distrussion.

Conclusion[edit]

13:11 A la fin, car ij mè frej e seur, sté alègher, dventé fòrt ant la fej, ancorageve j’un j’àutri. Vive an armonìa e pas, e ‘l Dé dl’amor e dla pas a sarà con vojàutri.

13:12 Saluteve j’un j’àutri con ël basin dla pas. Tut ël pòpol sant av saluta. 13:13 Che la grassia ‘d Gesù Crist ël Signor, l’amor ëd Dé e la comunion dlë Spirit Sant a sio con tuti vojàutri. Amen.