Kolxozım (Qayıpnazarov)
Kórkem túsli jerlerińiz,
Keń qonıslı ellerińiz,
Kolxozshı iskerlerińiz,
Kórsem islep júr kolxozım.
Kolxozımnıń keń dalası,
Kók maqpalday aynalası,
Kóp hasıl jipek paxtası,
Kóp-kóp jipekli kolxozım.
Kógeripti gúl jerińe,
Kúsh bekipti nıq belińe,
Kóp miynetkesh is ústinde,
Kórsem islep júr kolxozım.
Kópshilik bolıp toplap kúshin,
Kúshlendirip ullı isin,
Kórsetti miynet jemisin,
Kóp aldında bul kolxozım.