Ka Kha Yā Mye
kalisa janama dayivana bila chāya
khachiyā bachiyā rasa madu sukha yāya
garuḍa gaomhasena mayāta viveka
ghala kalahana jula apamāna aneka
ṅana cita nara madu damayaṃti theṅa
capasvāna bhiṅā chāya bhamala macoṅa
chalachāma masayāva thama kvathe lāka
jagatasa dukha padaka rasa khāka
jhalina puka theṃ dukha kathana the jāva
ñamana mhayāva coṅā taleju dhakāva
ṭakhata tolatā thama murukha yāva
ṭhva dokha mevayāta cilake chu āva
ḍagadha juloyo mana dāha daṅāva
ḍhatuli va cola khobi mhagvasa khoyāva
ṇaka sa mayāṅā thama jatana upāya
tapa phala puruvasa madate chu yāya
thao para siya vipatisa tāṅa mhāo
dayā cāya sahanasa viveka yāhāṅāva
dharama samāna madu meva tava dhana
narahari siomhana thula guna jñāna
para upakāra yāya sujanayā bhāva
phasa dhuli theṅa jio athira siyāo
bayari gvamhana tho bhālape mateva
bharosā biyāo viparita yāya yeo
mate hari abalā o lisana yāya chāya
yaka mana mhasa coṅā chi nāma sahāya
rasasa virasa juo karamayā bhoga
lakha madu cao mukhuli vijoga
vaṅa nebhāra the ṅana śarīra dhandhāna
śaturina kenakala kapatayā cālāna
ṣao khao hita guru yana vidhātāna
satagati jita gathe juyio nidāna
hari nemha tio china kuśala yāṅāo
kṣaya majuyaka bālaka siyāo
vṛddhilachimiyā dhana sāhebana lhāla ka khaḥ yā me guṇikana yāhune vicāla
|
This work was published before January 1, 1931, and is in the public domain worldwide because the author died at least 100 years ago. |