Jeńimpaz xalqım (Qayıpnazarov)
Ǵayratıńa kóndi, jer bawrın iydi,
Aq júzińdi aspandaǵı kún súydi.
Aq bilekler aq altınnan taw úydi,
Jeqis qutlı bolsın jeńimpaz xalqım.
Bórshi tawdan, Ay búyirden, Qırıq qızdan,
Tóbe-tóbe aq tawlardı turǵızǵan,
Xalıq aylansın bahadır márt ul-qızdan,
Miyneti jemisli, isi sóz xalqım.
Húrmetke ılayıq, miynetke qayım,
Shamurat ata menen Amangúl, Ayım,
Tawday tabıs úyer gúz kelgen sayın,
Atların altınnan oyıp jaz xalqım.
Xojamurat, Dáwimjar, Pirjan, Qurbanbay,
Toylarda ortaǵa shıqqan palwanday.
Qızıl kárwanlardı baslap turǵanday,
Jeńisler jolında ıshqı paz xalqım.
Júyrik ol júyrikpe alǵa ótpegen,
Jarıs gúzarına tústiń kóp penen,
Tawıńdı jazdırmay usı pát penen,
Jeńis shıńlarına qoldı sóz xalqım.
Mol ónim tayarlar báhár jazların,
Júzi jarqın bolǵan jeńimpazlarım,
Jer kókti jaqrırtıp jeńis sazların,
Ozıp kiyatırsań bárha oz xalqım.