Jazdım (Qayıpnazarov)
Náw báhárde jańa bórtken,
Baǵdıń taza búrin jazdım.
Japıraǵı samal ertken,
Baǵmannıń jas nálin jazdım.
Dáwran kelip, baxtı kúlgen,
Men elimniń gúlin jazdım.
Jupar shashıp, qulpı dóngen,
Jawdırasqan túrin jazdım.
Kóz qumartıp kewlim ketken,
Kóp gúliniń birin jazdım.
Kıya baqıp jilwa etken,
Janlı gúldiń bárin jazdım.
Shayırlarǵa ilham bergen,
Gúller gózzal, gúller saz dım.
Gúl shırayın táriyiplegen,
Dástanlar jazsam da az dım.