Jaqsı (Qayıpnazarov)
Kel degen jerińe keldim, kelmediń,
Jer kiyinse kók darayı,
Kózlerge ısıq shırayı,
Jaǵımlı xaua rayı,
Baharden kórkem jaz jaqsı.
Yar sırın júrekke túygen,
Ózi kálep kewil bergen,
Shın ashıqqa sulıw suygen,
Jan alar jılwa naz jaqsı.
Tásir etse oy-sanaǵa,
Shertilse túrli namaǵa,
Kewliń ketip tıńlamaǵa,
Gáhi sáwbet, ga saz jaqsı.
Hár nárseniń ornı baska,
Xalqın kór etpegen xasla,
El perzenti bolgan jaska,
Xár iste ónerpaz jaqsı.
Paydasın tiygizgen elge,
Xalıq ushın tuwılgan erge,
Shomılsa da kara terge,
Miynetten kórgen ház jaqsı.