| jan en soweli by Michael F |
| mi kama jo e toki musi ni tan lipu ni. mi sona ala e ni: tenpo sike seme la lipu ni li kama lon. taso tenpo sike 2014 la ona li lon lipu archive.org.
English (toki Inli): Retrieved from this page on archive.org. The English title is "People & Animals" according to this page. The year of first publication is unknown, but it was no later than 2014, going by the archive.org link. |
jan mute li pilin e ni:
jan en soweli li ante
ni li lon ala lon?
soweli en jan
li moku li lape
li open li moli
li pilin li pona
li musi li utala
li olin li pakala
li unpa li kalama
li awen li tawa
ni li lon:
soweli li jo e sona lili;
jan li jo e sona mute.
taso, ni kin li lon:
ante pi soweli en jan li lili
sama ona li mute.
  
|
This work is licensed under the Creative Commons Attribution-ShareAlike 3.0 Unported license.https://creativecommons.org/licenses/by-sa/3.0CC BY-SA 3.0Creative Commons Attribution-Share Alike 3.0truetrue
|