Help:Abondroets

From Wikisource
Jump to navigation Jump to search

So wikisourd, on n’ mete ki des ouves dizo ene licince libe ki permete a l’ ci ki vout di rpinde li contnou eyet di s’ fé des liårds dissu. Tot çou ki n’ respectêye nén çoula serè disfacé. Çoula våt po les ouves zeles-minme, mins eto po les ratournaedjes.

Licinces otorijheyes so Wikisourd[edit]

Dominne publik[edit]

El Beldjike, ene ouve mousse divins l’ dominne publik l’ anêye ki shût cwand l’ oteur est moirt dispu 70 ans. Si l’ oteur est moirt li 1î d’ djanvî 2000, adon ses ouves ni seront metowes so Wikisourd ki l’ 1î d’ djanvî 2071.

Ene ouve k’ a stî eplaideye anonimint est divins l’ dominne publik. C’ est l’ minme po ene ouve eplaideye dizo on no d’ pene nén cnoxhou.

Si l’ oteur est cnoxhou mins k’ on n’ sait cwand il est moirt, adon i fåt prinde li date do dierin eplaidaedje et radjouter 120 ans. Metans, l’ oteur a eplaidî deus ouves : li prumire e 1924, li deujhinme e 1930, adon les deus ouves ni seront metowes so Wikisourd ki l’ 1î d’ djanvî 2051 : 1930 + 120 = 2050 → 1î d’ djanvî 2051.

Creative Commons BY-SA 3.0[edit]

Ene ouve dizo l’ licince CC BY-SA 3.0, pout esse metowe so Wikisourd. C’ est ene licince ki permete di rprinde, di spåde eyet di rvinde ene ouve, mins i fåt lomer l’ oteur (d’ oridjinne) eyet diner u rivinde divins les minmès condicions (CC BY-SA 3.0 adon).

Licinces nén otorijheyes so Wikisourd[edit]

Li Faire use (uzaedje oniesse) et les otès licinces nén recwårlantes, metans CC BY-SA-NC 3.0, ni sont nén otorijheyes so Wikisourd.

Ratournaedjes et rashidaedjes[edit]

On ratournaedje (Francès → Walon), u on rashidaedje ortografike (Feller → Rifondou), shût les minmès rîles k’ ene ouve normåle. Li ratourneu est l’ oteur di s’ ratournaedje, çou n’ est nén l’ oteur di l’ ouve k’ a stî ratournêye k’ est l’ oteur do ratournaedje. Si l’ ouve ratournêye est dvins l’ dominne publik, li ratournaedje n’ est nén otomaticmint dvins l’ dominne publik.

On ratournaedje sicrît ey eplaidî so Wikisource pa èn uzeu est otomaticmint dizo l’ licince CC BY-SA 3.0. Si vos ratournez ene ouve et k’ vos l’ metoz so Wikisourd, vos l’ eplaidîz dizo cisse licince la et vos n’ pôroz candjî d’ advize.

Egzimpes di ratournaedjes :

Egzimpes di rashidaedjes :

Otorijhaedje[edit]

OTRS Wikimedia.svg

Èn oteur ki vout dner si otorijhaedje po-z eplaidî onk di ses scrijhaedjes so Wikisourd (dizo licince CC BY-SA 3.0) doet shuve l’ erotaedje ki shût. Li corwaitaedje si fwait på-z ekipe Mediawiki avou l’ sistinme OTRS (Open-source Ticket Request System).

L’ oteur lu-minme doet-st evoyî on mail a l’ adresse permissions-fr@wikimedia.org. Come i gn a co pont d’ adjint waloncåzant dvins l’ ekipe OTRS, i våt mia pol poumint evoyî on mail e francès. Li mail doet contni ene sacwè come çou ki shût (vos estoz libe del rarindjî a vosse môde) :

Je confirme par la présente être l'auteur et le titulaire unique et exclusif des droits d'auteur attachés au texte [_________________________].

Je donne mon autorisation pour publier cette œuvre sous la licence Creative Commons Paternité-Partage des Conditions Initiales à l'Identique 3.0 Unported [1]

Je comprends qu'en faisant cela je permets à quiconque d'utiliser mon œuvre, y compris dans un but commercial, et de la modifier dans la mesure des exigences imposées par la licence.

Je suis conscient de toujours jouir des droits extra-patrimoniaux sur mon œuvre, et garder le droit d'être cité pour celle-ci selon les termes de la licence retenue. Les modifications que d'autres pourront faire ne me seront pas attribuées.

Je suis conscient qu'une licence libre concerne seulement les droits patrimoniaux de l'auteur, et je garde la capacité d'agir envers quiconque n'emploierait pas ce travail d'une manière autorisée, ou dans la violation des droits de la personne, des restrictions de marque déposée, etc.

Je comprends que je ne peux pas retirer cette licence, et que le texte est susceptible d'être conservé de manière permanente par n'importe quel projet de la fondation Wikimedia.

[_________________________]

I fåt ristoper les deus vudes tot metant dins l' prumî vude li pus d’ racsegnes so l’ ouve : li tite do live (motoit avou on limero ISBN), u bén l’ tite do scrijhaedje, li no dl oteur, li date d’ eplaidaedje,… si l’ ouve est ddja so Wikisourd, mete l’ hårdêye eviè Wikisourd, si l’ ouve est sol Daegntoele, mete ene hårdêye eviè l’ waibe pådje. Metans, li prumî vude poreut esse ristopé pa ene sacwè come : « Èm bia scrijhaedje » de Djean NOLU, édition Nou Lijheu, 2020, ISBN 0-0000-0000-1, reproduit sur Wikisource en wallon à l'adresse https://wa.wikisource.org/wiki/Èm_bia_scrijhaedje.

Dins l’ deujhinme vude, i fåt mete li date, li no dl oteur u del djin ki dene si otorijhaedje eyet si adresse fizike. Metans 29 mai 2020, Djean NOLU, 1 rue DELCINSE, 6000 CHARLEROI (BELGIQUE) GSM xxxx.xx.xx.xx.

(en) This page is part of the Walloon Wikisource project. It’s temporarily placed in the incubator (wikisource.org) and will be moved to it’s own plateforme (wa.wikisource.org) when the projet will be enough diveloped.
(fr) Cette page fait partie du projet Wikisource en wallon. Elle est hébergée temporairement dans l’incubateur (wikisource.org) et sera transférée vers sa propre plateforme (wa.wikisource.org) une fois le projet suffisamment abouti.
(wa) Cisse pådje ci, c’ est on boket do pordjet Wikisourd e walon. Elle est pol moumint dvins l’ discloyoe (wikisource.org) eyet serè displaeceye eviè s’ prôpe platfôme (wa.wikisource.org) cwand l’ pordjet serè divnou diswalpé assez.