Giolla Bríghde Mac Con Midhe
Moladh daoine is dó is moladh
an neach do-ní a gcruthoghadh;
ní bhí ar domhan ag duine
ní acht moladh a mhíorbhuile.
Gémadh bréag do bhiadh san duain,
is bréag bhuan ar bhréig dhiombuain;
bréag uile gidh créad an chrodh,
bréag an duine dá ndéantar.
Ní ba liaide ór ná each
ag duine dámadh doichleach;
gan sbéis i nduain ar domhan
dá mbuaibh ní ba buanughadh.
Dá mbáidhthí an dán, a dhaoine,
gan seanchas, gan seanlaoidhe,
go bráth, acht athair gach fhir,
rachaidh cách gan a chluinsin.
Dá dtráigheadh an tobar fis,
ní bhéarthaoi muna mbeimis,
do dheighfhearaibh saora a sean,
craobha geinealaigh Gaoidheal.
Do bhiadh a n-iarmairt fhoda
do mhíleadhaibh mórbhoga -
folach a sgéal ní sgrios beag -
gan fhios na bhfréamh ó bhfuilead.
Folach cliathach agus cath
fear nÉireann dobudh easbhach;
dá n-éis gémadh maith a méin
gan sbéis i bhflaith ná i bhfírfhréihm.
Gé tá marbh mairidh Guaire
's Cú Chulainn na Craobhruaidhe;
ón ló tá a nós thiar is thoir
atá fós Brian 'na bheathaidh
Beó ó mhaireas a moladh
Conall agus Conchobhar
a nós 'na bheathaidh a bhus
nocha deachaidh fós Fearghus
Lugh do marbhadh le Mac Cuill,
ní mhaireann cnáimh 'na choluinn,
a nós, ar ndul don domhan,
fós do Lugh is leasoghadh.
Muna leasaighdís laoidhe
a ndearnsad, gér dheaghdhaoine,
i bhfad anonn do bhiadh brat
ar Niall, ar Chonn, ar Chormac.
Ríoghradh Chruachna is Chaisil Chuirc,
na filidh fréamha a lubhghuirt,
slata a teaghlach na dTrí mBrogh,
Dá Thí Theamhrach is Tuathal.
Ní bhiadh muna mbeith an dán
ag cruit théidbhinn ná ag tiompán
fios deighfhir ar n-a dhola,
ná a einigh ná a eangnamha
Fios a senchais ná a saoire
Ní fhuighbhidís arddaoine;
Léigdh so i ndán do dhéanaimh,
Nó no slán dá seinsgéalaibh
Dá mbáidhthí seanchas chlann gCuinn,
agus bhar nduana, a Dhomhnuill,
clann bhar gconmhaor 's bhar gclann shaor
ann dobudh comhdhaor comhshaor.
Fir Éireann, más é a rothol
ionnarba na healathan,
gach Gaoidheal budh gann a bhreath,
gach saoirfhear ann budh aitheac.