Gúl artında (Qayıpnazarov)
Tań samalı gezgen espelep,
Dalalarda júrip ástelep,
Saylap-saylap terip dástelep,
Kushaǵıma gúller úygenim,
Gúl artında turar súygenim.
Shańın qaǵıp etken ústinen,
Shayqatılǵan samal kúshinen,
Úzip-úzip baǵlar ishinen,
Kushaǵıma gúller úygenim,
Gúl artında turar suygenim.
Giya bórtken jılǵa-sayınan,
Kulpı dóngen qırı-oyınan,
Izlep tawıp Ámiw boyınan,
Kushaǵıma gúller úygenim,
Gúl artında turar súygenim.
Júrek tarın sherter sırlasım,
Kórkin kórsem keter ıqlasım,
Kewlim kúser nazlı jilwasın,
Kushaǵıma gúller úygenim,
Gúl artında turar suygenim.
Gúl sulıwın jıynap saz etip,
Koysam jaynar jilwa naz etip,
Jilwasına janım ház etip,
Kushaǵıma gúller úygenim,
Gúl artında turar suygenim.