Dj’a co bin l’ timps !

From Wikisource
Jump to navigation Jump to search
Dêrènes Bates  (2014)  by Jacques Desmet
Dj’a co bin l’ timps !

Dj’a co bin l’ timps !

Mès-eûres qui bèrôlenut,
Mès nûts qui blankichenut,
Mès sovnances qui spîyenut,
Mès rascrauwes qui r’montenut.
 
Vî sto qui va poûri :
Dji m’ trin.ne come one savate.
L’iviêr tchaîrè bin rade
Su m’ dos tot comoudri.
 
Sèro dj’ sur one mwaîje vôye ?
Li cène marquéye al crôye
Po m’ min.ner al crwèjeléye ?
 
Mi fosse dèdja cauveléye ?…
Divant qui l’ foûre ni fène
Dji mè l’ va spaude l’ ansène !