Djèl so fîr d’èsse Flamind

From Wikisource
Jump to navigation Jump to search
Djèl so fîr d’èsse Flamind  (1904)  by Charles Bartholomez
Djèl so fîr d’èsse Flamind
[ 1 ]
Djèl so fîr d’èsse Flamind.

par

Ch. BARTHOLOMEZ.

« Aôh yès ! aôh yès ! Qui lès Flaminds sont bièsses ! »
C’èst li rifrain qu’on tchante tous lès costés.
« Flamind di gate ! Flamèzigue ! Cwårêye tièsse ! »
C’èstéve les cris qu’on î-ainme di nous djèter.
So lès Flaminds, divins lès comidèyes
Èt lès tchansons, lès h-auteûrs blaguent tot plein ;
Mins, mi, dji mi moque di tout cè qu’on dèye [bis.
Èt djèl so fîr, awè, fîr d’èsse Flamind ! ]

Ya, djèl so fîr pa-ce què — ça, c’èstéve vrêy, —
Qwand qu’èst ce qu’il manque divins ’ne place on saquî,
Si c’èstéve minme ici dans l’Walonerêye,
C’èstéve on « flams » qu’on prend d’vant tout l’minne quî.
C’èstéve bisquant po toutes cès pauves mi coye
Qu’on hape come ça le pan foû di leû main…
Nos l’èstéve mieux vèyu qu’lès tièsses di hoye : [bis.
Vola poqwè qu’djèl so fîr d’èsse Flamind ! ]

Dj’èstéve co fîr pa-ce què so la manôye
On marque flamind parèy come li français :
Puis dji mi dote qu’un jour avå lès vôyes,
ås plaques dès ruwes on fra le minme saqwè.
Al nouvèle posse loukîz lès inscrihèdjes :
Dezos l’français, c’èstéve mon pårlimint…
Le langue walone, i-è compte po dè pan sètch : [bis.
Vola poqwè qu’djèl so fîr d’èsse Flamind ! ]

[ 2 ]

Lès p’tites Lîdjwès, i-è div’nèt sots di djôye
Pa-ce qu’il ont oûy la Casino Grètry :
A tot li monde i dihèt li minme sôye :
« On l’a s’tèyåte… c’èstéve nin sans cori ! »
Yès, quél fris’ frach !… nos autes, Gand, Brussèle,
Et i-a Anvers, nos l’ave nos batimints :
C’est dès tèyåtes come i-a nin dès plus bèles : [bis.
Vola poqwè qu’djèl so fîr d’èsse Flamiad ! ]

Lès Walons d’oûy, c’èstéve dès bones potinces
Qui djåsent toufèr di la Rèvolusion.
I tchiwèt haut, ça pou qu’on lès ètinse,
Qui leûs grands-péres èt qui leûs ratayons,
C’èstéve dès homes qu’avève nin freûd leûs oûys,
Qui, pour leûs dreûts, se batit come dès tchins ;
Mins, come i-a pus dès parèys Walons oûy, [bis.
Vola poqwè qu’djèl so fîr d’èsse Flamind ! ]