Crouffieu bin fait

From Wikisource
Jump to navigation Jump to search
Les crostillons  (1889)  by Joseph Kinable
Crouffieu bin fait
[ 48 ]
Crouffieu bin fait.

Ji v’s’a cité n’masse d’eximpe,
Mes tres chérs fré, c’est bin simpe
Tot çou qui l’Bon Diu a fait
On deut l’riknohe est parfait.
C’ess t’ainsi qui l’curé d’Fôge
Aveut jasé t’è s’perlôge.
Tot dhiendant, s’siermon fini,
Volla d’vant l’crouffieu Batisse
Qui tot pahulmint li dit :
— Louquiz don çou qui j’ravisse.
Si l’Bon Diu fa tot si bin
I s’a rouvî po mes rein.
— On deut fer po tot les gosse
Rprind l’curé, si v’savez n’bosse
C’est bin comme ji l’a préchî :
Elle est faite on n’sâreut mî.