Corrido qñg bie nang queralanan ning metung a miglayag a milaguiung Simbad/6
ning á pañaquenan á mesabing Barco
linayag na que, pin queta aldo-aldo
bulan-bulan é que misasadsad puerto.
á nung nu que carin ali ra cabaluan
dapot qñg tauli mebalu mu naman
sidsaran ning Barco metung ya ping lugal.
tutung misnang dagul ing meumum que ngan
iqueng macasaque canitang sacayan
sangcan qng uli na ning quequeng Capitan.
macasdan á bina itang ngulanğul na
quitang mi ing sangcan baquet cacañan ya
anti queni ngana ning á paquibat na.
lugal á panganib uling ati tamu
queting dayat-malat cacarinan tamu
sabian cung pagsulit paquiramdaman yu.
quecatang sacayan bitasa yang maniud
alang piralanan qng balac na ning lub
ing éta sa mate queti nan qñg laut.
ita na ngang sabla mamin tang mayapas
inutus na na pin detang sablang layag
sagmitan dong bigla ilantang icatcat.
siemal ning panganib at ba'queng micabius
ding lubid naug sabla ning Barcong mabilug
ala ping mitagan mimin lang mepatlud.
nu cu é uculan canita mate cu
binang macatacut iquit mi ng̃ang tutu
mabilis nang paque ning mesabing Barco.
misasaguli mu bigla yang misalbag
careta ning batu á queang á tamac
dapot ing bie mi maustang miligtas.
á yagap ming icua sablang panganganan
ampon maulaga qñg tune calacal
at mayubung iyas binang pangatúlan.
ning budñing Capitan queque sinabi na
ing gamat ning Dios ing tinaid ya
queti quecatamu miras tang talaga
iting pamipamun itang miabe la't
at ding picutcutan itangea lang agad
iti nan ing sepu ning bie iningat.
ala pang miligtas ninu ya mang tau
micaul-caul que mipaglunus tutu
pigmulan teng̃isan ing palad ming tiu.
calat masambulat á quequeng acaquit
itang casangcapan mengapaid-paid
minunang sacayan carin mengapulid.
ipaquilala na carin nitang lugal
dacal nong misalbag mete á melamang
ding pengañaya na bigung capalaran.
quetang dayat-malat mamapsa't tutugtug
ang capilan pa man á ding malda talus
iting mepaliari macapanğilabut.
ing metung á ilug quetang salusu na
lulual ning danum na manibatan ita
batung manġaragul yang pagmula'na.
lilisiang é mame quetang dayat-malat
danum nang mesabi tuturung sasacsac
qñg metung á lungo iti matalastas.
nanu pa't qñg laue lasa bubug ya nĝan
batung maulaga at rubing maquinang
ing matang macaquit mauili yang masdan.
peca balas uari paua la ngan ámbar
tutu lang malare yaniud na noman
queti nitang danum á pangangayamnan.
Iti ing mamagus manibat qñg sibul
atin ping balamu tela adtang dutung
ding dacal á asan cacanan dang layun
iti darala na ning agus ning danum.
Caibat dang peng̃an canita ding asan
cabud da na yapsa maliliaring ámbar
taluctuc ning bunduc é ya á uquiatan
tutu yang masucsuc mataluras neman.
E naman maliari ing carin lual ca
uling pauang sucsuc ing peca bacud na
ala queng arapat nanu man canita
menatili na mu canitang aplaya.
At ya na mu pin ing quequeng panayan
ing macalunus ming dumpang camatayan
ditac á pagcabie aligtas mi naman
piraque-raque mi ding cayabe caduang.
Inia icua mi mung linambat á aldo
queang panga luid bie ming calulu
at panga pelaguing mimi'na mong tutu
itang cacanan mi pauang bastimento.
Ating menga mate migmula na queta
caring cayabe mi á manga ina na
ya nang merapat pemanğutcut mi la
dili cung mitagan a mabie carela.
Pepauli na mu ya namang tutu
biasa cung mirimut quetang pagcabie cu
iti meguing daque mitapus canacu
bucud qñg atin pang sariling bandi cu.
Miras itang aldo at capanaunan
queulata'na cu queting pagcabiayan
nan cu mang miguitis suing cacu datang
saguli nang mabie queti qñg sicluban.
Qñg cacung cutcutan migtalaga na cu
minaunang culcul á pagcarinan cu
migquera caguisan niting cacaṇan cu
telaga nang bie qñg Dios á Guinu.
Dapot biñe na rin ing pacalulu na
queang pepa-isip qñg canacu ita
pisulung-sulung cu ing lacad cu queta
qñg nang̃a'ning ilug iquit cung talaga.
Macasalicut va canita ning lung̃o
maba pin mong horas mimisip cung tutu
canitang pampang na ilug á binguit cu
misasabing dili carin pinupus cu.
Sucat ya pin mong manibatan lual
danum iting ilug á carin daralan
batung mang̃aragul ing piraralanan
maustang manibat qñg aliuang lugal.
Nung gaua cu pin mo á metung á balsa
qñg agus ning danum magpaniud talaga
mecacabulad mu miras cu canita
aliuang carinan cacung aquilala.
Mecad macaquit cung mayap qñg caniti
ó queti pupusan ing canacung bie
nung cacu marapat ampon mapaliari
ala ping aliuang cabas na't cayanti.
Cacung inauingan inaliua cu mu
iting camatayan á cacu titimu
caniti lubus nang panayan cụ na mu
ing bie calulu queang panğa yanğú.
A nung sacali man cacung á palaran
ing milaco queting pauang casaquitan
marajil ing binua canacu atin, pang
itatalaga na mayap capalaran.
At maguing ablas na niting panġalbug eu
inia mo meyuyut canita ing lub cu
caring manĝaragul "dutung memanġua cu
gueua co ping balsa á paglulanan cu.
Pangayari niti cacu neng lilanan
qng dacal & rubi pati na qñg ámbar
batung manĝa ningning mialiua sintingan
pablasang ya pin ing caministilan.
Gueua cu noman pin deting aduang gaud
Julaina ning balsa pitimbang cu cabud
qñg agus ning danum lavu'nang migpaniud
penalig ing bie qñg Guinu tang Dios.
Qng metung á lungo mausta cung miras
nanu man ala cu salang á yaninag
agus na ning danum tutuquing matuyag
dapot ing pupuntan dit man é talastas.
Quetang quelambata'ning capanaunan
maba na ping aldo ing cacung silungan
queta ning aliuang tune daralanan
tutung misnang baba ita ning queraclan.
At bala'cu uari sariling masid cu
antiang malalacuan ini nang buntu'cu
careta ning batu á quesumpungan cu
ya nang depatan cabud á isip cu.
Dapot migquera cu canita ning balsa
icua cung miligtas qng panganib queta
bacal cung mitagan ibat qñg meco pa
mausta nang mimin nanu man ala na.
Iniang sumpung cacu masasal á danup
detanga ning tundu biglang mipatudtud
nung nu anti lambat dit man é eu talus
bucud mung balu cu caguising cu cabud.
Bague & miliari cacung pigmulalan
itang pangaras cu aliuang carinan
masalusung ilug queang tutugtugan
carin ya mitali balsa cung secayan.
Acu naman iṭang picubcub da carin
detang tutung dacal pauang manġatuling
pequisabian da cu caguising cung tambing
carelang panasbuc cabaluan é cu pin.
Maragul cu tula ing carin miras cu
at layun cong tinas banua ding gamat cu
ngana nitang aclis pangading depat cu
amanung arabe yang daralit cu.
Pati yayaus ca qñg Dios malsinta
ampuna'na ca pin qng mal á lugud na
nung paniuala me ing pusu mu quea
qñg panga tudtud mu at ingata'na ca.
At pang̃a guising mu pauang mialilan
qñg mayap ing sauil quecang capalaran
caretang matuling iting metung naman
amanung árabe quea ping cabaluan.
Pati queang dimdam cacung pamañabi
capatad ng̃ana pin nio anti queni
ique ping disan mu qñg lugal á iti
tune queng. tutucnang queti nan parati.
Dinatang que queti ya pin ing sangcan
ba'mi lang diligan ding quequeng tanaman
anti ing daraptan qñg aldo miralan
danum na ning ilug ing quequeng cacuanan.
Iti malapit ya careta ning bundue
amatan mi ya pin lulutang mananuid
ing metung á balsa iquit mit á talus
yabe ming catau licsua'ne qñg ilug.
At quetang pampang na queang acalauat
tinali ing balsa ban é mipajamac
quea neng linele at pinugal mayap
at penaya na cung miguising mimasmas.
Quecang penibatan igcas mung panasbuc
at nu ya manibat ng̃eni iting ilug
ali cu maliari quea cu penasbuc
dinhnana cung canan uli na ning danup.
Saca cu mequibat queta qñg cutang na
caibat cung peng̃an canan á biñe na
ing caibugan cu sari qñg dagul na
uling miayaliua cacu inampang da.
Selita cu na pin tutung masalese.
sablang mepaliari delanan cung bie
titing̃id yang mayap metung ya careti
itang dulubasa macaunang dili.
At itinang bague ipagsulit na ng̃an
caretaning sabla á carin daramdam
ding malda canita migmulala la ng̃an
at picametung da cacung salesayan.
Qñg iti é pin mo á ugaling bie
sucat cung pagsulit qñg Ari rang sugui
inainan da cu queta ing miliari
metung á cabayu binang macauili.
Carelang sinabi iti saquen cu ya
saca ra pisanan itang maulaga
á micacaragul qñg canacung balsa
maulang balutan pacaptas talaga.
Pigmulan mi na pin itang pamanlacad
é ata miras que Serendib á Ciudad
inarap da na cu qñg Ari rang matas
quetang cadurucan icua cung miralpac.
Arapa'ning Ari siniclaud na cu
at saca qng gabun lius minuma cu
iting bague iti inia depatan cu
qng India pablasang ugali rang tutu.
Ing suguing Principe qñg dagul na lugud
pepaticdua'na cu at quitnan melaus
qñg sangcan at bague miras cung tibubus
sacup nang Ciudad sucat qñg manasbuc.
Cacung queralanan selese cung mayap
pigmulan na na pin at inutus agad
caring letrang guintu isulat ilimbag
qñg ba'ping matangcap misinup matuyag.
Pitandanan ya iti carin qñg Palacio
saca inauad na sablang balutan cu
quea ro irampal miras nomang tutu
saca ro pemusni alang picacunu.
Lub nang migmulala sari qñg degulan
caring é pasabing queraclan á ámbar
at ding esmeralda, lacuas la pa naman
lalu no ding rubi macauiling lauan.
Pati cacung iquit lubus aquilala
ing pang̃auili na ning suguing Monarca
caring calacal cung tutung maulaga
siniclaud cu pin caretang bitis na.
At ng̃acung sinabi cacung panigapu
qñg camalan mu pu Monarcang guinu cu
daptan mung buri mu quening catauan cu
ampon queting sabla atiung bandi cu.
Amanung pisiag cu pati queang dimdam
pequibata'na cung anting timan-timan
anti quening sabi á queang timbayan
nung daptan cu iti binang macasubiang.
Mebina cung tutu taung mapang̃ang̃as
nung ting taguinan cu nanu mu mang ditac
queting telaga na at ligud nang ganap
quecao ning Dios Aring sacdal catas.
Buri cu qñg lugal á yacuanan da ca
bayu ca sa maco qñg sacup cu ng̃eta
magdala cang tanda iti qñg uli na
causta'nang tutu ning lugud cu queca.
Caragdaga'na pin iti ning bandi mu
ng̃ana pin ning Ari cacu meng̃amanu
qñg quimtan á tula é maco sabi cu
macaguiu nang ditac ing quea binte cu.
A pagnasan cu pin binang misaplala
qñg queang Reyno ing Aring maramla
at lubus minuan cataua'nang sabla
luid mipalagui queti qñg masala.
Quipnuan ya ping tutu itang Aring mambang
pati ding balayan queang sasacupan
ganap lang tutupad quetang catungculan
ampon pamamintu leyes dang tuntunan.
Aguiang ala la mang tune Tribunales
ampon magistrados ganap la qñg isip
qñg camaratunan mabibie lang tiquis
cauili-uili pin nung queca lang aquit.
Macatalpac iting pulung á sambitlan
lalam nang telatag "esfera equinoccial".
carin aldo't beng̃i alang iguit culang
labing aduang horas qñg capilan pa man.
Labuad na tutu ping mataba't malusuc
mamutung neman pin á metung á bunduc
batu nang maragul cayasque ra cabud
bacal á mistula cariu maqui-unus
Qñg capataga'na tutu nomang dacal
ding miayaliua bungang pamang̃anan
á isasapuac da ding carin tanaman
macayama la pin at pang̃ang̃atulan.
A macasarili ing dutung á cedro
ampon ita naman milaguiung ébano
uli ning devocion á gagamitan cu.
canita ning bundue migtang̃as mine cu.
Nung nu ya mitabi itang nunung Adan
canitang lual ya Paraiso Terrenal
memanuquiat na cu qñg cataluctucan
buring abalu cu itang cacarinan.
Mibalic na cu man carin qñg Ciudad
at lius pigsulit quetang Aring matas
ing capagnasan cn qñg pusu malablab
bisa na cung muli balayaning Bagdad.
Qñg iting malugud á Aring Monarca
cacung capamunan maustang tingap na
cabud na minutus canacu ibie ra
itang catandanan ning cacu lugud na.
Nanu pa't mirasan aldo cu nang maco
saca memun naman qñg Aring mayubu
á nung ninu itang miñe qñg canacu
binang mayulaga aliua pang tutu.
Calauc na niti metung nemang sulat
mang̃amanu ya pin qñg Ari tang matas
ing miuman-uman bili'nang payagcas
uli ning laguiu na ing regalo yarap.
Qñg Califa Harun, at bibitasa'na
itang misnang dagul ning pamicasi ra
tuparan cung mayap peng̃acu cu ita
at qñg mipnung galang memu'na carela.
Ita ning sulat na Serendib á magcas
guintu ngan pin puru á letrang linimbag
qñg sari capinu á vitelang balat
amaņu ping India anti queni gagcas.
Acu pin ing Ari qñg Indiang sulip
á qng panlacad cu mumuna lang tiquis
deting libung ganap pauang Elefantes
qng babo rang buntuc tacap dang acaquit.
Ing sari qñg ningning á libu ping rubi
qng balingbingan da ya naman ing queti
pauang macasuclab ing cauili-uili
coronang mayubu é cu pequi anti.
Iningastian ya pin at sari qñg linis
queting aduang pulu á libung diamantes
qng pacamalan cung capatad á sugui
ing Califa Harun á mayap á bie.
Bista't é man dapat ing ipabal mi ya
quecayu ing sulat ampon aliua pa
é yu sa daraptan iti tanguian yu ya
tangapan uli na lub yung cristalina.
Qñg cadalisayan masampat a lugud
quecong, anting tune capatad cung irug
sintang caluguran matula queng lubus
babie catandanan á miniamut qñg lub.
Ing anting cablasan á quequeng yayaduan
queque sa nung sucat lubus yung pagcalam
metung á carinan qñg quecong secupan
amanan ming tune ampon picasnĝauan.
Uyab na't catimbang ya namang tutu
ning pamiparangal ngeni qñg quecayu
bucud qng caniting maulang amanu
y Ala ya pin ing mingat quecayu.
Mesabing regalo metung ya ping rubi
gueuang anting vaso qñg copa inasque.
balat camamalu queang cayantabe
paninibayuan ya ala ya ping carle.
Ing mesabing balat ati'ne mang virtud
panulu qñg saquit ya ping matutus
darasayan de pin saquitan á maroc.
lunas ya mo uari á calugud-lugud.
At atin pa namang sari qñg ulaga
pamuting mialiua at pepasalan pav
caniti nang arte á é pequipara
queting é mu nanu regalong maula.
Macayantabe ya qng ganang iti nan
ing sari qñg linang á suguing alipan
tutung sari ula sulud nang imalan
mialiuang batu mutiang pemaltacan.
Dian da cung sarayan qng pamanuli cu
linayag na ca mi Balsora mituclu.
macabang lacaran caibat nang tutu
sinacang miglicas pati ding yabe cu.
Ibat naman queti minuli cu Bagdad
utus na ning Ari linutas cung agad
iti ing Monarca Serendib á labuad
cacu ing minutus caniting merapat.
Cayantabe cu la ding dacal á ipus.
magdalang regalo nitang Aring lusuc
at é cu liniban tiparan cung lubus
mequiquit arap na ning Ari tang bantug.
Anga qñg miras cu macamal nang trono
at caibat nitang matampang galang cu
yang piugalian queti quecatamu
lius at selese ing pacsang ine cu.
Tiqui biñe cu ya ing daralang sulat
ampon ing regalo á alang pequibas
metula yang tutu ing Califang magcas
panamdam na quetang sabi cung inulat.
Pepalacua'na cu caibat na nitinan
pigregalua'na cung maulagang bague
minuli na cu mãn bale cung tucnang̃an
quipnuan cu qñg tula sayang é ritacan.
Pablasang qñg iti ing canam a tune
qñg pamaglacbe cu at miliaring bie
anti na pin piting canacung selese
qng daramdaman yu mayupayang noble.
Pang̃a pupus na pin salita nang Simbad
suguing convidado memu'no ilang lat
at saca y Nadir dinina'neng agad
dinalan á Zequi anti ing milabas.
Matula yang meco anti ing miralan
aldo mengatula macanian mu naman
nanu pa't mirasan aldo cabucasan
horas ning salita mitipun la naman
Cabas na't capara sadiang mararapat
caibat dang mengan convidadong pantas
pigmula na na pin at selitang Simbad
capitung paglache at tauling merapat.